خۆشی

خۆشی
سایتێکی تاکە کەسی سەربەخۆیە.

Sunday, March 4, 2012


کاتێک لەناو کۆلێژدا پیاسەم دەکرد بینیم قوتابیان زۆری سەرقاڵی پیاسەن، هەندێک لە کۆشک خەریکی خواردنن بەدەگمەن یەکێک ببینی خەریکی خوێندنەوە بێت!
چووم سەیری هۆڵی خوێدنەوەم کرد هەرچەندە شوێنەکەی بچوکە بەشی ئەو قوتابییە زۆرەی کۆلێژ ناکات، قوتابیەکان هەر یەکەو لاپتۆپێکیان لەبەردەم بو بەهۆڵی ئینتەرنێت دەچوو تا زیاتر هۆڵی خوێندنەوە...
قوتابیان کاتێک داوایان لێ دەکرێت بۆ ئامادەکردنی ڕاپۆرت ئەمجا پەنا دەبەنە بەر خوێندنەوەی کتێب ڕەنگە خۆشم یەکێک بم لەوان
کاتێک چووم کتێبێک بێنم لە کتێبخانە وتەی کارمەندەکە سەرنجی ڕاکێشام
گوتی:بۆ ڕاپۆرتە  گوتم:بەڵێ  گوتی"قوتابیان تەنها بۆ ڕاپۆرت داوای خواستنی کتێب دەکەن" بۆخۆیان وبەرز کردنی ئاستی ڕۆشەنبیریان واناکەن ئەمە بۆتە دیاردە نەک بەتەنها لە کۆلێژەکەمان بەڵکو کۆلێژەکانی تریش بەهەمان جۆر
وتەی پیرەمێردێکم هاتەوە یاد لەپشت دیواری مزگەوت لەگەڵ هاوڕێیانی دامەی دەکرد گوتی:گەنجانی ئێستا باوکیان بۆتە تەلەفزیۆن ودایکیشیان سەتەلایت
کەوابێ هیچ ماوەیەک بۆ خوێندنەوە نامێنێت
کەسەیری کتێبەکانم دەکرد لە کتێبخانەی کۆلێژ زۆربەی عەرەبی بون سەرچاوە بەکوردی کەمە قوتابیانیش زۆری تەنها زمانی دایک دەزانن بۆتە هۆکارێک بۆ نەخوێندنەوەی کتێب لای قوتابیان خوێندنەوە گرنگە بۆ هەموو تاکێک بەتایبەت چینی قوتابیان کەوادەکات هەگبەیەکی پڕ لەزانیاری بۆخۆیان فەراهەم بکەن وئاستی ڕۆشەنبیریان بەرزبێتەوە بەمەش شارەزا دەبن چۆن مامەڵە لەگەڵ دەوروبەردا بکەن،جێگەیان لەدڵی خەڵکانی تر بکەنەوە
هۆکارێکی تریش کە ڕۆڵی هەیە لەدورکەوتنەوەی قوتابیان لە پەرتوک مامۆستا دەرسەکان وەک سێوێکی پاککراو دەداتە دەستی قوتابیان  ئەمانیش خۆیان ماندو ناکەن بەشوێن سەرچاوەکاندا بگەڕێن بە بەراورد لەگەڵ وڵاتانی تردا
کتێبخانەش ڕۆڵی سەرەکی هەیە لە ڕاکێشانی قوتابیان بۆ خوێندنەوە گەر باسی کتێبخانەی بەشەکەمان بکەم تابڵێی بچوکە هەروەها سەرچاوە کەمە
ئاخۆ هۆکاری چی بێت؟لەدەرەوە واتە لەبازاڕ وکتێبخانە ئەهلیەکان هەر سەرچاوەیەکت بوێت بەدەستت دەکەوێت بەڵام لەناو کۆلێژدا نیە
بەڕای من وام پێباشە چونکە کۆلێژەکەمان چەند بەشێک لەخۆ دەگرێت هەریەک لەم بەشانە کتێبخانەیەکی بچوک بەخۆیان هەیە واباشە شوێنێکی بۆ دابنرێت هەر لەناو کۆلێژ هەمووی بکرێت بە کتێبخانەیەکی گەورەو مۆدێرن کە لەگەڵ ویستی قوتابیان بگونجێت ودابینکردنی هۆڵێکی گەورە بۆ خوێندنەوە بەگوێرەی ژمارەی قوتابیان وپاراستنی هێمنی تیادا بەمەش دەبێتە هۆی ڕاکێشانی قوتابیان وئاشتبونەوەیان بە خوێندنەوە  سیمایەکی جوان دەبەخشێت بە کتێبخانەو کۆلێژ بەگشتی.

No comments:

Post a Comment